mms ~ : المشاركات : 2321 الاقامه : في روضة لا كوستا مزآجكـ اليوم : تاريخ التسجيل : 02/05/2010 نقآط العضو : 29040
موضوع: تبغين تصيرين خفيفة روح بزياراتك تعالي وإقري كلامي الأربعاء 15 فبراير 2012, 7:55 pm
يسعد ربي مساكم يا حلوين اليوم حبيت أحط بين إيديكم هالكم من كلمة والله يا بنات لو إلتزمتو فيها بتحسون براحة كل أبونا يالحريم نحب الزيارات والوناسة والسوالف بس هالزيارة لابد تكون في حدود معقولة حتى لو كانت خويتي الروح بالروح لازم أحط لجلستي معها وزيارتي لها حدود وقوانين من دون ما تحس بالعكس راح تفرح حتى لو تشوفك داقة عليها تبين تروحين لها بجيبها لكم خطوة خطوة وياربي ما أثقل عليكم هينا نبي نفيد ونستفيد .. ومابي منكم غير دعوة بظهر الغيب يا بنات .. نخش بالموضوع .. لازم نراعي الوقت والزمن اللي تبين تزورين صديقتك فيه يعني لا يكون من صلاة الصبح ولا وقت الغداء ولا تالي الليل لا لا لا هالأوقات حساسة في الصباح البنت نايمة وبالظهر غدا وحوسة مطبخ وقيلولة وتالي الليل كلن يدور ع السكينة وراحة البال إختاري وقت مابين المغرب والعشاء أو بعد العشا حتى العصريات أحسها خلاص مو وقت زيارة الصراحة .. كمان يا بنات بلاش من عنصر المفاجئات بالزيارات ياليت يكون فيه موعد مسبق لو بيوم ع الأقل عشان ما نحرج أحد الناس مو على كيفنا الناس صارت إلتزاماتهم كثير فياليت الموعد يكون قبل الجية بيوم أزين وربي .. كمان يا بنات يازين من زار وخفف بلاش تطول فترة الزيارة عشان ما تثقلين على البيت اللي انتي رايحة لهم إحنا ما نعرف ظروف الناس وش هي .. وحتى لو فرضنا انو طالت فترة الزيارة ياليت تستغلونها بالعمل النافع مو بالحكي بفلانة ومدري مين لا فيه أشياء أحلى من كذا وما يحتاج أشرح كل وحده واللي تقدر عليهـ .. بعد يا بنات بلاش كثرة السؤال عن خصوصيات الغير ترى وربي هالخصلة بنظري تعووور القلب مثلاً خويتك متزوجة وتروحين تسألينها بشي خاص من جد هالشغلة ألعن شي أشوفه... والمزح يا بنات يكون بحدود البعض من البنات تمزح مزح ما ادري وش يبي الصراحة خليك برنسيسة بتعاملك وراح تُقابلين بردة فعل ولا أحلى .. بعد يا بنات ليت كل وحده فينا إذا قدمت لها راعية البيت شغلة ما تردها حتى لو ما أعجبتها بالعكس جبر الخواطر مطلوب أشكريها إثني عليها كثر خير من قدرني بهالزمن ولا وش رايكم ..؟ كمان يا حبوبات حاولي لو عيالك الصغار او اخوانك معك وخربو شي طوالي قومي عدليه واعتذري أعرف حريم يطلقون لعيالهم العنان عند الناس وما يدرون ان هالشغلة تخرب ابو البرستيج كله لازم كل وحده تطل او تمسك الصغيرون معها ولو تتركه عند احد ابرك بواجد .. كمان يا بنات ياليت الزيارات تكون متباعدة في التوقيت مو كل أسبوع عشان ما تتولد السآمة والجفوة والملل من كثرة المقابل كل شوي الشي زووووء .. كما قيل “زُرْ غِباً تزددْ حباً”
هذا اللي عندي وسلامتكم وياليت لو عجبكم طرحي ما تنسووون تقيموني
![[ .. لآكوسـتآ مُـبـدِعّ .. ]](https://i.servimg.com/u/f61/12/41/48/56/rating14.gif "[ .. لآكوسـتآ مُـبـدِعّ .. ]")
الأربعاء 15 فبراير 2012, 7:55 pm
