قصيدة ابكت كل من قرأها وانا اولهم‎

بسم الله الرحمن الرحيم

قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة .. و هذي الأبيات قالها للي يواسونه

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني


	توقيع \|\| ~ نص القمر

سلمت اناملكـ

ربي يعطيكـ العافيه


	توقيع \|\| ~ ღ.حــنوو.ღ

قصيده يتقطع لها القلب وتدمع لها العين
جدآ مؤثره ..ربي يخلي لنا أمهاتنا يارب ولايحرمنا منهم
يعطيك الف عافيه غاليتي ع طرحك المبدع
دُمتي بسعاده ..}ْ


	توقيع \|\| ~ أنثى لا تشبه النساء

تسلم لي طلتكم الحلوه ((حنو وفراشة))


	توقيع \|\| ~ نص القمر

انا بعد بكيت اقوول الحقيقة

موضوعك مره حلو من احسن الى احسن ربي ايديمك

تسلم ايدينك الملفوفة بالحرير تسلمين يا عسل شكرا لك

تقبلي مروري


	توقيع \|\| ~ رآعية مزآج

نورتى الصفحة بطلتك راعية

مننحرمش


	توقيع \|\| ~ نص القمر